Útbúnaðarlisti fyrir fjallgöngur og aðrar ferðir Fjallhress.

Á eftirfarandi lista eru þau atriði sem mestu máli skipta varðandi klæðnað og búnað í fjallgöngum.  Við listann bætast svo fleiri atriði sem gott er að hafa meðferðis.

Rauðlituðu atriðin skulu ávallt vera meðferðis í ferðum Fjallhress.

 Besta leiðin til að klæða sig til gönguferða er að klæðast 2-3 lögum, innsta lag, millilag og ystalag. Á hlýrri dögum er svo hægt að sleppa a.m.k einu lagi.  Allt er þetta persónubundið og nauðsynlegt að prófa sig áfram með.

Fatnaður:

- Innsta lag úr ull eða gerviefnum (ekki bómull)

- Millilag úr flís eða sambærilegu efni (ekki bómull)

- Göngu eða flísbuxur í millilagi (ekki gallabuxur)

- Ysta lag - stakkur / buxur úr vatns/vindheldu öndunarefni (Alltaf)

- Góð húfa (auka húfa eða lambúshetta í tindferðum)

- Hlýjir vettlingar (auka belgvettlingar í tindferðum)

- Sokkar með minnst 50% ull í vetrarferðum (alltaf aukapar með)

- Auka peysa eða jakki (t.d. primaloft)

- Góðir gönguskór með grófum sóla og góðum ökklastuðningi.

- Góð lambúshetta getur gert gæfu muninn við erfiðar aðstæður.

Búnaður:

- Bakpoki 20-40 ltr.

- Farsími (alltaf með)

- Höfuðljós (sept-júní)

- Keðjubroddar (yfir vetrartímann)

- GPS tæki (hafa með ef það er til)

- Persónlegt sjúkra-kit (alltaf með)

- Göngustafir (gott að hafa með)

- Legghlífar (gott að hafa með)

- Skíðagleraugu (vetrarferðir)

- Sólgleraugu (nauðsynleg í björtum vetrarferðum)

- Sólarvörn (nauðsynleg í björtum vetrarferðum)

Nesti:

-T.d. kraftmikið brauð, flatbrauð o.fl

-Nóg að drekka (1-2 ltr.)

-Heitt á brúsa (nauðsynlegt í vetrarferðum)

-Súkkulaði, hnetur, orkustykki o.fl.

Hafa ber í huga að aðstæður geta verið fljótar að breytast í óbyggðum, þó ekki sé farið langt frá byggð.  Bæði vegna veðurs og óhappa og því mikilvægt að búa sig einnig fyrir hið óvænta!